Янги Зеландиянинг Оамару шаҳрида пингвинлар учун ерости йўлаги қурилди. Бу ҳақда Seeker нашри хабар бермоқда.

Ҳар тонг кичик пингвинлар океан қирғоқларига йўл олишади ва кунни ўша ерда ўтказишади. Кеч тушгач эса, ўз инларига қайтишади.

Ерости йўлаги жониворлар қайтаётган пайт уларнинг автомобиль ғилдираклари остида қолиб, ҳалок бўлишлари хавфини камайтиради. Бундан ташқари, йўлак уларни безовта қилувчи сайёҳлардан қутилишга ёрдам беради.

Маълумот учун, кичик пингвинлар Янги Зеландия ва Австралияда яшашади. Уларнинг бўйи 30-40 сантиметрни ташкил этади.