«Интер» қишки трансферлар вақтида «Манчестер Юнайтед»нинг 4 нафар футболчисини харид қилмоқчи. Corriere dello Sport хабарига кўра, миланликлар раҳбарияти шу масала хусусида англияликлар жамоаси бош мураббийи Жозе Моуриньо билан алоқага чиқмоқчи.

Манба маълумотига кўра, январь ойида Маттео Дармиан, Крис Смоллинг, Дейли Блинд ва Мемфис Депайга Италия клуби сафига ўтиши мумкин. Нерадзуррилар жамоасининг янги бош мураббийи айнан шу футболчиларни жамоасида кўришни истамоқда.

Жозе Моуриньо қишда ушбу футболчилардан воз кечмоқчи ва миланликлар бундан фойдаланиб қолишлари мумкин.