ОАВда Трамп ва Гитлер ўртасидаги ўхшашликка ишора қилинмоқда

Жаҳон 15 Ноябрь 2016 23764
Фото: Globallookpress.com

Snopes.com портали The New York Times'нинг 1992 йил 21 ноябрдаги мақоласига эътиборни қаратди. У Германиянинг Миллий-социалистик ишчилар партияси (ГМСИП) раиси Адольф Гитлер шахсига бағишланган эди. 

Мақолада ёзилишича, Гитлер томонидан тарғиб қилинган аксилсемитизм унинг издошлари учун ўлжадан бошқа нарса бўлмаган. "У шунчаки ўз тарафдорларини йўлдан оздириш ва уларнинг қизиқишларини қўллаб-қувватлаш учун аксилсемит тарғиботидан фойдаланган", - дейилади матнда. 

Бундан ташқари, The New York Times'да Гитлернинг сиёсий дастури умумий сўзлар ниқобидаги салбий ғоялардан иборат эканлиги таъкидланган. "У яҳудийлар, коммунистлар, большевизм, марксистик социализм, сепаратистлар, турар-жойларнинг қимматлиги, жорий шарт-шароитлар, заиф немис ҳукумати ва Версал битимига қарши бўлган. У Германиянинг қудратли ҳукмронлик остидаги кучли ва бирлашган мамлакат бўлишини истаган".

Манбада ёзилишича, 2015 йилнинг 10 февралида The New York Times бу материални қайта чоп этган. У Ғарб ОАВда кенг тарқалган. Баъзи ОАВда миллий социализм асосчиси ва 2016 йилнинг 8 ноябрида АҚШ президенти этиб сайланган Дональд Трампнинг усуллари ўхшашлигига ишора қилинмоқда. 

Миллиардернинг баъзи сиёсий ғоялари ва жумлалари ўз мазмунига кўра, Гитлернинг шиорларига ўхшатилди. Масалан, Трамп ўзининг сайлов олди кампаниясида муҳожирларни мамлакатдан чиқариб юбориш ва жанубий қўшниси билан чегарасида девор қуришга ваъда берган. Бундан ташқари, Америка ҳудудига мусулмонларнинг киришини тақиқлаши ҳақида ҳам айтиб ўтган.


 

Кун янгиликлари
Комилов Ўзбекистонга хориж сармоялари киришига халал бераётган асосий тўсиқларни санади
Тоҳир Малик: “Бир мамлакатнинг динини билиш учун шу мамлакатнинг аёлларига қаралса бўлди”
11:16 24751 Жамият
TPS’дан “Қўшилинг” янги тариф режаларида интернетга соат 00:00 дан 09:00 гача чекловсиз кириш мумкин
GM Uzbekistan янги шартномалар тузиш ва автомобилларни беришни вақтинчалик тўхтатди
Мулоҳаза: Ўзбекистонда фаол қатламни юзага келтириш имкониятлари
14:02 / 28.05.2017 22728 Ўзбекистон
Кўзи ожизлар босмахонаси муаммосини ким ҳал этади?
15:32 / 27.05.2017 8736 Жамият
Фаластинда Рамазон ойида ажрашишлар тақиқлаб қўйилди
20:05 10 Жаҳон
«Ўзтадбиркорэкспорт» АЖ «Ўзтрейд»га айлантирилди
Тошкент ислом университетида ислом маданиятини ўрганиш бўйича кафедра очилади
Сенат Қайта тикланувчи энергия бўйича Халқаро Агентлик уставини ратификация қилди
Кўпроқ янгиликлар