ОАВ: АҚШ ҳукумати Трампнинг нутқлари террористларга қўл келишидан хавфсирамоқда

Жаҳон 16 Ноябрь 2016 8922
Фото: EPA

АҚШ маъмуриятининг аксилтеррор фаолият билан шуғулланувчи ходимлари хавфсирамоқдаки, мамлакатнинг янги сайланган президенти Дональд Трампнинг нутқлари террорчилар фойдасига ишлаши мумкин. Бу ҳақда The Daily Beast нашри хабар ёзган.

Уларнинг ҳисоблашича, миллиардернинг сайловолди кампанияси давомида мусулмонларга қарши айтган сўзлари ИШИД жангарилари одамларни АҚШ диний уруш олиб бораётганини исботлашда қўл келиши мумкин. Пентагон вакилининг сўзларига кўра, радикал терроризмни ислом динига тенглаштириш нафақат хато, балки "ИШИДни тўла енгиш" мақсадига мувофиқ эмас ҳам.

Унинг қайд этишича, бундай гаплар террорчиларга бутун дунёдаги мусулмонлар ҳимоячиси сифатида чиқишга имкон беради.

"Албатта, биз ташвишдамиз", - деган АҚШ маъмуриятининг бошқа бир вакили. Унинг сўзларига кўра, АҚШ ҳарбий хизматчилари ИШИДга қарши кураш майдонида фаолроқ бўлмоғи керак. Аммо бу муваффақиятга Трампнинг мусулмонлар ҳақидаги фикрлари сабабли уларнинг жангарилар томонига ўтиб кетиши тўсиқ бўлиши мумкин.

Ўз чиқишларидан бирида республикачи номзод президентликка сайланган тақдирда АҚШга мусулмонлар келишини тақиқлаши ҳақида айтиб ўтганди. Бу эса ОАВда кескин салбий муносабатни келтириб чиқарди. Кейинроқ бизнесмен аниқлик киритдики, "терроризм манбалари бўлмиш мамлакатлар" фуқароларини муҳожир сифатида қабул қилмасликни назарда тутганди. У айнан қайси давлатларни "терроризм манбалари" сифатида билишига аниқлик киритмаган. 

Сайловлар куни яқинлаша бошлагач, у муҳожирлар бўйича сўзларини юмшата борди ва муҳожирларга нисбатан позициясини ўзгартириши мумкинлигини истисно этмади. Шу билан биргаликда, у гиёҳванд моддалар савдогарлари, қурол олибсотарлари, жиноий тўдалар аъзолари ва бошқа жиноятчиларга "мамлакатида жой йўқлиги"ни таъкидлади.

Кун янгиликлари
Комилов Ўзбекистонга хориж сармоялари киришига халал бераётган асосий тўсиқларни санади
Тоҳир Малик: “Бир мамлакатнинг динини билиш учун шу мамлакатнинг аёлларига қаралса бўлди”
11:16 24751 Жамият
TPS’дан “Қўшилинг” янги тариф режаларида интернетга соат 00:00 дан 09:00 гача чекловсиз кириш мумкин
GM Uzbekistan янги шартномалар тузиш ва автомобилларни беришни вақтинчалик тўхтатди
Мулоҳаза: Ўзбекистонда фаол қатламни юзага келтириш имкониятлари
14:02 / 28.05.2017 22728 Ўзбекистон
Кўзи ожизлар босмахонаси муаммосини ким ҳал этади?
15:32 / 27.05.2017 8736 Жамият
Фаластинда Рамазон ойида ажрашишлар тақиқлаб қўйилди
20:05 10 Жаҳон
«Ўзтадбиркорэкспорт» АЖ «Ўзтрейд»га айлантирилди
Тошкент ислом университетида ислом маданиятини ўрганиш бўйича кафедра очилади
Сенат Қайта тикланувчи энергия бўйича Халқаро Агентлик уставини ратификация қилди
Кўпроқ янгиликлар