AQShda ta'lim olayotgan o‘zbekistonlik talabalar soni 530 nafarga yetdi. Bu haqda 2016 yil bo‘yicha jahondagi xorijiy talabalar haqidagi “Ochiq eshiklar” (Open Doors) yillik hisobotining ma'lumotida keltirilgan.
Toshkentdagi AQSh elchixonasi taqdim etgan ma'lumotga ko‘ra, Qo‘shma Shtatlarda tahsil olayotgan o‘zbekistonlik talabalar soni 7,9 foizga oshgan.
Qo‘shma Shtatlardagi o‘zbekistonlik talabalar eng birinchi o‘rinda bakalavr darajasi bo‘yicha tahsil olishadi. 2015-2016 yillarda ulardan 35 foizi magistratura, 50 foizi bakalavr yo‘nalishiga, 10 foizi qo‘shimcha amaliy tayyorlovlarga va 5 foizi hech qanday darajaga ega bo‘lmagan kurslarga qabul qilingan.
