“O‘zgidromet”ning xabar berishicha, 19 noyabr kuni O‘zbekistonda havo harorati keskin sovib ketadi.
Ma'lumotlarga ko‘ra, 19 noyabrdan 21 noyabrga qadar mamlakat bo‘ylab yomg‘ir va qor yog‘ishi kutiladi. Shamol tezligi sekundiga 17-22 metrga yetadi.
21 noyabr kuni havo harorati Tselsiy bo‘yicha kechasi −2…−7 darajagacha, kunduzi esa −2…+3 gacha tushib ketadi. Shimoliy hududlarda esa havo darajasi kechasi −13…−18 gacha, kunduzi −3…−8 darajagacha pasayadi.
Quruq va sovuq havo 27 noyabrga qadar davom etishi kutilmoqda.
