10:29 / 18.11.2016
4810

Koreya prokuraturasi Samsung vitse-prezidentini so‘roq qildi

Illyustrativ surat

Janubiy Koreya prokuraturasi Samsung kompaniyasining strategik rejalashtirish Departamenti rahbari Chan Chjun Gini so‘roq qildi. U Koreya respublikasi prezidenti Pak Kin Xe atrofidagi korrupsiya mojarosiga savollarga javob bergan, deb xabar qilmoqda "Yonxap" agentligi.

Chan Chjun Gi Seul prokuraturasiga kelib, Chxve Sun Sil ishi bo‘yicha ko‘rsatmalar bergan. 

Chxve Sun Sil - prezident Pak Kin Xening 40 yildan ko‘proq vaqtdan beri yaqin dugonasi hisoblanadi. U o‘z ta'siri va obro‘sidan foydalangan holda, mamlakatdagi yirik korporatsiyalarni o‘zining boshqaruvidagi ikkita xayriya jamg‘armasiga ko‘pmillion dollarli pul o‘tkazishga majbur qilganlikda gumon qilinmoqda. U shuningdek, boshqa korrupsiya tuzilmalarini tashkil etgan bo‘lishi mumkin. 

Prokuratura ma'lumotlariga ko‘ra, pul o‘tkazgan kompaniyalar orasida Samsung kompaniyasi ham bo‘lib, u Chxve Sun Sil jamg‘armalariga 20 mln dollarga yaqin mablag‘ o‘tkazgan, bundan tashqari, Chxve Sun Silning Germaniyadagi firmasiga 3 mln dollar o‘tkazgan. 
 

Top