Ҳиндистонда эрини шифохонага ёлғиз ўзи судраб олиб кираётган аёл видеоси вирус каби тарқалди. Gulf News India нашри шу ҳақида маълумот берди

Маълум бўлишича, аёл 45 ёшли эри Сриниваса Чорини Ҳиндистоннинг Андхра-Прадеш штатидаги ҳукумат шифохонасига кўрсатиш учун олиб келган. Афтидан шифохонада беморни кўтариш мосламаси таклиф қилинмаган. 

Манбага кўра, 40 ёшли Сри Ванининг турмуш ўртоғи гастроэнтерит касаллигига йўлиққан бўлган. 

Воқеа тахминан Андхра-Прадеш штатидаги Гунтакал шифохонасида рўй берган. Унинг қачон содир бўлганлиги номаълум. Мазкур видеонинг қанчалик ҳақиқат эканлигини дарҳол текшириб бўлмайди. 

Мансабдор шахслар вирус каби тез тарқалган видео борасида тергов ишларини йўлга қўйишга ваъда беришди. 

Маҳаллий ОАВ, шу жумладан NDTV ва Times of India'да хабар қилинишича, аёлнинг эрини шифохонага судраб олиб киришдан бошқа чораси қолмаган. У бир соатдан ортиқ вақт давомида шифохона ходимларининг беморни кўтарувчи мослама ёки ногиронлар аравачаси олиб чиқишларини кутган.