Жанубий Кореянинг Hyundai компанияси ўз автомобиллари сафини А- ва Б-сегментидаги иккита ихчам кроссоверлар билан тўлдиришни режалаштирмоқда. Улардан бири 2018 йилда пайдо бўлиши кутилмоқда. У MINI Countryman, Honda HR-V ва Fiat 500X каби моделлар билан харидорлар учун рақобатлашади. Бу ҳақда Корея автокомпаниясининг Америкадаги бўлими раҳбари Дейва Зучовскига асосланган ҳолда Automotive News нашри ёзмоқда.

Бундан ташқари, Hyundai кроссоверлар турларини ҳам ўзгартириш ниятида. Хусусан, Santa Fe модели янада йириклашади ва 8 ўриндиқли автомобилга айланади. Santa Fe Sport ўлчамлари ҳам катталашади ва Jeep автомобиллари услубидаги йўлтанламас элементларига эга бўлади. 

Шу билан бирга, Hyundai компанияси Santa Fe моделининг энг йирик ўлчамли намунасини қайта номлаш ниятида. Чунки, харидорлар кроссоверлар номларини кўп адаштиради. Бу ўзгаришларнинг барчаси 2018-2020 йилларда амалга оширилади.