Foto: Reuters
Afg‘oniston poytaxti Kobul shahridagi masjidlardan birida ro‘y bergan portlash oqibatida halok bo‘lganlar soni 27 nafarni tashkil qilmoqda, yana 35 kishi jarohatlangan. Bu haqda mahalliy politsiyaga asoslanib, TOLO News xabar tarqatdi.
Khaama Press agentligi xabariga ko‘ra, Dor ul-Omon tumani hududida xudkush terrorchi masjid hovlisida o‘zini portlatgan.
Biroz vaqt o‘tib Bagram tumanida ikkinchi portlash ro‘y bergan. Ma'lum bo‘lishicha, avtomobilga o‘rnatilgan portlovchi qurilma harakatga keltirilishi oqibatida bir kishi halok bo‘lib, yana bir kishi jarohatlangan.
Tolibonlar bu portlashlarga aloqador emasligini ma'lum qilib chiqqan.
