CNN эфирдаги ноўрин саволи учун узр сўради

Жамият 23 Ноябрь 2016 5803
Фото: Tjournal.ru

Американинг CNN телеканали кўрсатувларидан бирида ноўрин саволни экранга жойлаштиргани учун расман кечирим сўради. 21 ноябрь куни телебошловчи Jim Sciutto The Lead (Етакчи) ток-шоусида кўрсатув меҳмони, АҚШ ўта ўнг кайфиятдаги ҳаракат етакчиси Richard Spencer билан мулоқот ўтказган. Ўшанда, экранда «Ўта ўнг ҳаракат раҳбари яҳудийлар инсонми, деб сўрамоқда» деган ёзув қўйилган.

Аввалроқ, Спенсер Вашингтонда бўлиб ўтган анжуманда, Трампнинг ғалаба қозониш имкониятларини минимал баҳолаган сиёсий экспертларни кескин танқид қилган эди. Унинг ўзи янги сайланган президент тарафдори ҳисобланади. 

“Қизиқ, бу одамлар, ҳақиқий одамларми ёки Жон Оливер бир кун аввал айтганини қандайдир қора кучлар такрорлашга мажбурлайдиган руҳсиз големларми? Республикачи стратеглар ва сиёсий маслаҳатчилар бизларни кунига кечқурун NBC телеканалида танқид қилади-я”, - деган эди Ричард Спенсер. 

Гап шундаки, CNN ходимлари Спенсер сўзларидан иқтибос келтирар экан, унинг ким ҳақида сўз юритаётганига ойдинлик киритган қисмини қисқартириб, экранда «Ультра ўнг кайфиятдаги ҳаракат етакчиси яҳудийлар инсонлигини шубҳа остига қўймоқда», -деган сўзларни қолдирган.

Аслида эса, Спенсер яҳудийларни ҳимоя қилиш учун раввин Лёв томонидан гилдан ясалган улкан голем ҳақидаги афсонага таянган, холос. Шу билан ўта ўнг кайфиятдаги ҳаракат раҳбари Трампнинг заифлиги ҳақида бонг урганлар аслида учинчи томонларга хизмат қилувчи, шунчаки «гапирувчи бошлардир» дейишни ирода қилган. 

CNN телеканалининг бундай қисқартирмаси ижтимоий тармоқларда кескин муҳокамаларга сабаб бўлди. Шундан сўнг, CNN раҳбарияти томошабинлардан узр сўрашга мажбур бўлган. 

“Биз узоқни кўра олмаганимиз сабабли шундай ношудлик қилдик. Биз ўз афсусимизни билдирамиз ва кечирим сўраймиз”, - деган телеканал раҳбарияти. 

Сўнгги вақтларда, CNN телекомпанияси Трамп ва унинг тарафдорларини танқид қилиш мақсадида бир неча маротаба ўзини ноқулай вазиятларга солиб қўйди. Масалан, октябрь ойи охирларида республикачи конгрессмен билан суҳбат олиб борилаётганда, сиёсатчи Ҳиллари Клинтон ҳақидаги WikiLeaks маълумотларини ёдга олиши билан бевосита мулоқотни узиб қўйган эди. 
 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50450 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66437 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35552 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20367 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77328 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60877 Жамият
Ҳукумат ўқитувчи ва шифокорларни пахта теримига жалб этишни тақиқлади
«ПСЖ» Ди Марияни «Барселона»га сотиш нархини маълум қилди
20:34 866 Спорт
103 ёшли комбожалик аёл АҚШ фуқаролигини қабул қилди
20:25 349 Жаҳон
Чадда Қатар элчихонаси ёпилиши эълон қилинди
20:15 426 Жаҳон
Кўпроқ янгиликлар