Фото: © Mandel Ngan/AFP/Getty Images

АҚШнинг янги президенти Дональд Трамп Жанубий Каролина губернатори Никки Хэйлига АҚШнинг БМТдаги доимий вакили лавозимини таклиф қилмоқчилигини маълум қилган.

Хэйли номзодини АҚШ сенати тасдиқлаши керак.

Хэйли (туғилгандаги исми-шарифи Нимрата Рандхава) ҳиндистонлик муҳожирлар оиласида туғилган. Тадбиркорлик билан шуғулланган. Жанубий Каролина хайрия ва жамоатчилик ташкилотлари ишида фаол иштирок этган. У ҳозир 44 ёшда бўлиб, АҚШнинг энг ёш губернатори ҳисобланади. У бу лавозимни 2011 йилдан бери эгаллаб келади ва штатга губернатор бўлган биринчи аёл ҳисобланади.

Хэйли 2016 йилги президентлик сайловларида аввал Флорида сенатори Марко Рубио, кейин эса Техас сенатори Тед Круз номзодини қўллаб-қувватлаганди.