YeI parlamenti Turkiyaning tashkilotga a'zoligini vaqtinchalik muzlatish tashabbusini qo‘llab-quvvatladi

Yevropa parlamenti 24 noyabr, payshanba kuni Strasburgda Turkiyaning blokdagi a'zoligini vaqtinchalik muzlatishga doir tashabbusni qo‘llab-quvvatladi. Bu haqida Daily Sabah nashri xabar berdi. 

Yevroparlament a'zolari mazkur masala yuzasidan joriy muzokaralarning barchasi muzlatilishini bir ovozdan qo‘llab-quvvatlashdi. Ovoz berishning bunday yakunlari Anqara va Yevropa Ittifoqi o‘rtasidagi tushunmovchiliklarni yanada chuqurlashtirishi mumkin. 

Mazkur rezolyutsiyaning qabul qilinishiga turk hukumatining mamlakatda iyul oyida bo‘lib o‘tgan harbiy to‘ntaruv harakatiga nisbatan "nomunosib" reaksiyasi sabab bo‘lgan. 

Turkiya va Yevropa munosabatlari ko‘p masalalar bo‘yicha boshi berk ko‘chaga kirib qolgandi. YeIning Turkiya fuqarolariga viza rejimini erkinlashtirishdan bosh tortgani, shuningdek uning Turkiyadagi harbiy to‘ntaruv harakati va u yerdagi terrorchi tashkilotlarga loqayd munosabatda bo‘lganligi shular jumlasidandir. 

Eslatib o‘tamiz, Turkiya YeIga a'zo bo‘lishga doir  muzokaralarini 2005 yilda boshlagan.