Хитойнинг Цзянси провинциясида қурилаётган электростанциядаги совутиш минорасининг қулаши оқибатида 22 киши ҳалок бўлди, икки киши яраланди. Бу ҳақда 24 ноябрь куни маҳаллий ҳукумат маълумотига асосланиб, «Синьхуа» агентлиги хабар бермоқда.

Воқеа маҳаллий вақт билан 07:00да (Тошкент вақти билан 05:00) Фэнчэн шаҳар округида рўй берди. Вайроналар тагида одамлар қолган, деган тахмин билдирилмоқда. Воқеа жойида қутқарувчилар, ўт ўчириш хихмати ходимлари ва шифокорлар ишламоқда.
Фалокат сабабига ойдинлик киритилмаган.