«Реал» ҳужумкор ярим ҳимоячиси Гарет Бэйл тўпиқ пайларини чўзиб олиши натижасида орттириб олган жароҳатини операция қилдирадиган бўлди. Бу ҳақда клуб расмий сайти хабар тарқатди.

Манбага кўра, уэльслик футболчи 29 ноябрь куни Лондонда жарроҳлик амалиётини ўтказади.

«Реал» Бэйлнинг қачон сафга қайтишини айтмаяпти. Бироқ Marca нашри берган хабарга кўра, футболчи тахминан 3 ой мобайнида сафга қайта олмайди.

Ҳозирча, Бэйлнинг баҳорда сафга қайтиши кутилмоқда.