Япония пойтахти Токиода 54 йил ичида биринчи марта ноябрда қор ёғди, деб хабар бермоқда NHK телеканали. 

Маълум қилинишича, ноябрь қори 24 ноябрда маҳаллий вақт билан соат 06.15 да ёға бошлаган. Бундан ташқари, Йокогама, Кофу, Уцуномия, Маебаси ва Мито шаҳарларида ҳам қор ёғмоқда.

Об-ҳаво мутахассисларининг фикрича, 25 ноябрь тонгигача Токиода 2 сантиметрлик қор ёғиши мумкин. Бу эса шаҳардаги транспорт қатновининг ёмонлашишига олиб келиши мумкин.