Erdo‘g‘an Yevroparlamentga "o‘z o‘rnini bilishi" lozimligini aytdi

Turkiya prezidenti Rajab Toyib Erdo‘g‘an Istanbuldagi namoyishdagi nutqida Yevroparlament Turkiyani u emas, balki Turkiya hukumati boshqarishini anglashi lozimligini aytdi. Bu haqda Anadolu axborot agentligi xabar bermoqda. 

"Deyarli har kuni teraktlarga duch keladigan Turkiyadan terrorchilik tuzilmalari bilan kurash olib bormaslikni talab qilish davlatni terrorchilar ixtiyoriga topshirish bilan teng kuchlidir", deb aytdi Erdo‘g‘an. 

U Turkiyaning Yevropa Ittifoqiga qabul qilinishini to‘xtatish chaqirig‘iga ega rezolyutsiyani qabul qilgan Yevroparlament pozitsiyasini ham tanqid qildi.

"Yevroparlament, o‘z o‘rningni bil! Bu davlatni  Yevroparlament emas, hukumat boshqaradi", deb aytgan Erdo‘g‘an. 

Uning aytishicha, muhojirlar inqirozi Yevropa davlatlari insoniy qadriyatlar va insonparvarlikdan qanchalik yiroqlashishi mumkinligini ko‘rsatdi.