15:11 / 26.11.2016
9448

Yevroparlament fraksiyasi rahbari: YeIda Turkiya uchun joy yo‘q

Foto: © AP

Turkiya Yevropa Ittifoqiga a'zo bo‘la olmaydi. Bu haqida Yevroparlamentning xristian demokratlar fraksiyasi rahbari Manfred Veber "Neue Osnabrücker Zeitung" gazetasiga bergan intervyusida ma'lum qildi. 

"YeIda Turkiya uchun joy yo‘q", - dedi nemis siyosatchisi. U  Anqara bilan iqtisodiyot, madaniyat va talabalar almashinuviga doir hamkorlik bitimlarini alohida imzolash maqsadga muvofiqligini qo‘shimcha qildi. 

Yevroparlament payshanba kuni Strasburgda bo‘lib o‘tgan yalpi majlisda Turkiyaning blokka a'zoligiga doir muzokaralarni  to‘xtatishga chorlovchi rezolyutsiyani tasdiqladi. Bu Anqarada katta muhokamaga sabab bo‘ldi. Turkiya bosh vaziri Binali Yildirimning so‘zlariga ko‘ra, hujjat mamlakat uchun hech qanday yuridik kuchga ega emas. 
 

Mavzuga oid
Top