Ироқ парламенти кўпчилик овоз билан шиа кўнгилли қўшинларининг мамлакат қуролли кучлари таркибига киритилиши қонун лойиҳасини маъқуллади. Бу ҳақда Sky News Arabia телеканали хабар берди

Шиа кўнгилли қўшинлари ҳукумат қўшинлари томонида ИШИДга қарши курашмоқда.

Шиа отрядларининг озод қилиш операциясида иштирок этишлари сунний имомлар, Ироқ парламенти депутатларининг катта қисми ва Мўсул аҳолисининг бир қисми орасида хавотир уйғотмоқда. Бу хавотирлар шиа отрядларининг Ироқнинг бошқа шаҳарларида ИШИД билан курашишдаги ҳаракатлари билан боғланган. Мисол учун, Тикрит шаҳри жангарилардан озод қилингандан кейин шиа қўшинлари тинч аҳолига ҳужум қилиш, уйларга ўт қўйиш, талон-тарожлик каби жиноятларни амалга оширишда айблангандилар.