Ўтган йилнинг ёзида Шимолий Каролина штатида 9 афроамерикаликни ўлдиришда айбланаётган Дилан Руф суд жараёнида ўзини ўзи ҳимоя қилади, деб хабар бермоқда WCSC-TV телеканали. 

Судья Ричард Жержел айбланувчининг бу илтимосини қондирди, бироқ бундай қарорни "номақбул" деб ҳисоблашидан огоҳлантирди. "Менинг фикримча, агар сизни адвокат ҳимоя қилса маъқулроқ бўларди", деб айтган судья. 

Жанубий Каролина суди айбланувчини онг-шуури жойида деб топди, бу эса 28 ноябрда судловчиларни танлаш жараёнини давом эттиришга ижозат берди. Аввалроқ айбланувчининг адвокатлари 22 ёшли Руф унга қўйилаётган айбловларнинг моҳиятини тушунмаётганини рўкач қилганларидан кейин бу жараён тўхтатилганди.

Ўтган йил июнида Руф ирқий адоват негизида Чарльстондаги черковда 9 нафар афроамерикаликни отиб ташлаганди. Эртаси куни у ҳибсга олинган. Унга қотиллик ва бошқа бир қатор жиноятларни амалга оширганлик бўйича айбловлар қўйилган. АҚШ адлия вазирлиги қотилга ўлим жазоси берилишига эришмоқчи эканлигини айтган.