Хитой полицияси душанба куни қурилаётган электростанциядаги ҳалокат иши юзасидан тўққиз кишини ҳибсга олди. Улар 74 кишининг ҳаётига зомин бўлган ҳодиса туфайли жиноий жавобгарликка тортилиши кутилмоқда, деб хабар бермоқда “Синхуа” агентлиги полицияга таянган ҳолда.

Эслатиб ўтамиз, нохуш воқеа Хитой шимолидаги Цзянси провинциясининг Фэнчэн шаҳар округида 25 ноябрь куни юз берган. Электростанциянинг қурилаётган совутиш минораси қулаб тушиши оқибатида 74 киши ҳалок бўлиб, яна икки киши жароҳатланган.

Агентлик маълумотларига кўра, ҳибсга олинганлар орасида Yineng Tower Engineering Co. Ltd. компанияси бошқарув кенгаши раҳбари ва объектнинг бош муҳандиси бор.