Бристоль Университети мутахассислари минглаб йиллар давомида у қадар кучли бўлмаган қурилмаларни қувват билан таъминлай оладиган ядровий аккумулятор прототипини ишлаб чиқишди. Радиациялар ва зарарли моддалар зиёни нолга тенг. Бу ҳақида университет сайтида маълум қилинди. 

Ядровий аккумулятор ичига сунъий олмос ўрнатилган. У радиоактив майдонга жойлаштирганда у қадар кучли бўлмаган электр токини ишлаб чиқаради. 

Олимлар радиоактив нурланиш манбаи сифатида никель-63'дан фойдаланишди. Бироқ уни графит блокларда ҳосил қилинган углерод-14'га алмаштирилса, изотоп қурилма фаолияти самарадорлигини оширишга ёрдам беради. 

Углерод-14'даги батарея 5730 йилда заряднинг ярмини йўқотади. 

Ядровий аккумуляторларда ҳаракатланувчи қисмлар йўқ, уларга ишлаш жараёнида хизмат кўрсатиш лозим эмас. Батареялар радиоактив зарарли моддаларни ишлаб чиқармайди ва атмосферага салбий таъсир кўрсатмайди.  Радиоактив изотоплар сунъий олмослар ичида капсулланади. Шунинг ҳисобига тоза энергиянинг узоқ муддатли генерацияси таъминланади. 

Ядровий аккумуляторларни кардиостимуляторлар ва шу каби инсон танасига ўрнатиладиган бошқа қурилмаларда қўллаш кўзда тутилмоқда. Шунингдек уларни учувчисиз қурилмалар, космик кемалар ва етиш қийин бўлган жойлардаги бошқа жиҳозларда қўллаш мумкин.