AQShda talaba 9 kishiga pichoq bilan jarohat yetkazdi

AQShning Ogayo universitetida tahsil oluvchi talaba 28 noyabrda ta'lim muassasasi  hududida odamlarga pichoq bilan hamla qildi. CNN telekanalining ma'lum qilishicha, talaba dastlab avtomobilini piyodalarga qarata haydagan, so‘ngra mashinadan chiqib ularga pichoq bilan zarba bera boshlagan.

Voqea oqibatida 9 kishi jarohat olgan, ulardan birining ahvoli og‘ir. Jinoyatchining o‘zi politsiya tomonidan otib tashlangan. Aniqlanishicha, u kelib chiqishi somalilik talaba bo‘lgan. Ma'lumotlarga ko‘ra, jinoyatchi 20 yosh atrofida, ismi Abdul Razzoq Ali Artan bo‘lgan.
 
Politsiya hujum terakt bo‘lishi mumkinligini istesno qilmayapti, chunki guvohlarning aytishicha, bosqinchi hech narsa aytmay, jimgina harakat qilgan. Voqeani tergov qilishga FQB kirishgan.