Сиднейда рўй берган портлаш оқибатида камида 16 киши жароҳат олди, деб хабар бермоқда Австралия телевидениеси.

Беш киши куйиш жароҳатларини олиб, яқин орадаги касалхонага етказилди. Уларнинг орасида кичик ёшдаги бола борлиги маълум бўлди.

Гувоҳларнинг сўзларига кўра, портлаш шаҳарнинг кишилар билан тўлиб-тошган туманларидан биридаги фудкорт ҳудудида  рўй берган.

Ҳукумат воқеа сабабларини ўрганишга киришди. Тахминий маълумотларга кўра, портлаш маиший газнинг сизиб чиқиб кетиши сабаб содир бўлган бўлиши мумкин.