Замонавийлашган ва тараққий этган жаҳон аҳли хаёлига ҳам келтирмаган, кўз кўриб, қулоқ эшитмаган касалликларга дуч келмоқда. Уларни аниқлаш, олдини олиш ёки даволаш учун қанчадан қанча вақт, куч ва пул сарфланмоқда. Аммо натижалар қониқарли бўлмаяпти, бу касалликлар тўхтамаяпти, аксинча, янгилари пайдо бўляпти.
Буларнинг сабаби нимада? Аввало шуни айтиш лозим-ки, ҳар қандай касаллик нопокликдан, аниқроқ айтганда, нопок турмуш тарзидан пайдо бўлади. Буни бир шахс мисолида ҳам, бутун бир жамият мисолида ҳам кўриш мумкин. Дунё ҳамжамиятини 30 йил давомида ташвишлантириб, ўйлантириб келаётган мудҳиш касалликлардан бири бу ОИТСдир.
Олимлар, мутахассислар, тиббиёт соҳаси вакиллари мана шу иллатнинг олдини олиш ва даволашга ҳарчанд уринмасин, ОИТС вақт ўтгани сайин кўп тарқалмоқда, ривожланмоқда, одамлар, жамиятлар ҳаётини издан чиқармоқда. Унинг олдини олиш ва ундан ҳимояланиш учун нима қилиш керак, деган савол ҳамон долзарблигича қолмоқда.
Ummat.uz сайти орқали тақдим этилган видеороликда “Тўхтабой” жоме масжиди имом-хатиби Исҳоқ Муҳаммад домла Шайх Муҳаммад Содиқ Муҳаммад Юсуф билан бўлиб ўтган воқеани тилга оладилар.
