Ўзбекистон кубоги финали доирасидаги «Локомотив» ва «Насаф» учрашувида Темурхўжа Абдуҳолиқов томонидан киритилган ягона гол тошкентликларга ғалаба келтирди.

Tribuna.uz нашрида ёзилишича, Учрашувнинг 2-дақиқасида киритилган мазкур гол Ўзбекистон кубоги финаллари тарихида киритилган энг тезкор гол бўлди. 

Темурхўжа Абдуҳолиқовгача энг тезкор гол «Пахтакор» собиқ ҳимоячиси Гочқули Гочқулиевга тегишли эди.

Туркманистонлик легионер 2002 йилги кубок финалида «Нефтчи»га қарши учрашувда ҳисобни очганди. Ўшанда учрашув асосий вақти 3:3 ҳисобида тугаган, қўшимча дақиқаларда эса тошкентликлар яна 3та гол киритиб 6:3 ҳисобида ғалаба қозонганди.