Туркияга октябрь ойида келган сайёҳлар миқдори ҳисоблаб чиқилди. Бу ҳақдаги маълумот Туркия маданият ва туризм вазирлиги сайтида чоп этилган.

Таъкидланишича, 2015 йилнинг октябрь ойи билан таққослаганда сайёҳлар оқими бироз пасайган. 

Октябрда келган туристлар бўйича биринчи ўрин Германияга насиб этди – 491 минг киши. Иккинчи поғона россияликлар томонидан эгалланган бўлса (223 минг), учинчи ўрин Грузиядан келган сайёҳларга насиб этди (178 минг).

Туркия курортларида бир ой давомида ҳаммаси бўлиб эса 2,5 миллион хорижлик ҳордиқ чиқарди. Ўтган йили бу рақам 3,3 миллион кишини ташкил қилганди.