Даниянинг A.P. Moller-Maersk A/S конгломерати рақиби - Германиянинг Hamburg Süd’ини харид қилмоқчи, деб хабар бермоқда Reuters.

Oetker Group’нинг бир қисми бўлган Hamburg Süd дунёда катталиги бўйича еттинчи компания бўлиб, 130 та контейнер кемаларига эга. Компания шимолий ва жанубий ярим шарлар ўртасидаги савдога ихтисослашган.

Maersk Line ва Maersk Group ижрочи директори Сорен Скоунинг маълум қилишича, «Hamburg Süd Maersk Line’га жуда ажойиб тарзда мос тушади ва биргаликда мижозларимизга энг яхши хизматларни таклиф қилишимиз мумкин».

Таъкидланишича, харид Maersk Line’га Лотин Америкасидаги ўз иштирокини ошириш имконини беради.

A.P. Moller-Maersk вакиллари эса келишув ҳақидаги маълумот 2017 йилнинг иккинчи квартали бошида пайдо бўлишини маълум қилган.