Россия ва Туркия Сурия инқирозининг сиёсий йўл билан ҳал этилиши ва мамлакатдаги терроризмга қарши кураш зарурлиги борасида бир хил қарашда. Россия ташқи ишлар вазири Сергей Лавров туркиялик ҳамкасби Мавлут Чавушўғли билан ўтказган музокаралари натижасига кўра шундай фикрни билдирди. 

"Биз кенг қамровли масалалар юзасидан жуда фойдали суҳбат ўтказдик, - деган вазир. – Асосий эътиборни Сурия ва бошқа халқаро муаммоларга қаратдик".

Лавров, шунингдек, Россия ва Туркия икки томонлама муносабатларни босқичма-босқич яхшилашдан манфаатдор эканини таъкидлаган.