2017 йилда нефть экспорт қилувчи давлатлар ташкилоти ОПЕКга Саудия Арабистони энергетика вазири Холид ал-Фалиҳ бошчилик қилади.

Бу ҳақда ОПЕКнинг амалдаги президенти, Қатар энергетика ва саноат вазири Муҳаммад ибн Салоҳ ас-Саъд ташкилотнинг Венадаги учрашувидан кейин ўтказилган матбуот-анжуманида маълум қилди. Бу ҳақда Bloomberg ахборот агентлиги хабар бермоқда. 

Венадаги учрашувда нефть қазиб олиш ҳажмини кунига 1,2 млн баррелга камайтиришга келишиб олинди. 2017 йил 1 январидан бу ҳажм кунига 32,5 млн баррелни ташкил қилади.