"Прогресс" космик юк кемаси фалокатга учради

Технология 01 Декабрь 2016 10174
© Фото: "РОСКОСМОС"

Россиянинг "Прогресс" космик юк кемаси Тувадаги кимсасиз тоғли ҳудуд устида 190 км баландликда фалокатга учради. Кеманинг аксарият бўлаклари атмосферада ёниб кетган, деб маълум қилди "Роскосмос".

Эслатиб ўтамиз, "Союз-У" ракета-ташувчиси янги сериядаги "Прогресс МС-04" юк кемаси билан 1 декабрда Тошкент вақти билан 19.52 да Бойқўнғирдан Халқаро коинот станциясига учирилганди. Кема ХКСга 2,5 тонна юк, жумладан ёқилғи, сув ва бошқа зарур нарсаларни етказиши керак эди. "Роскосмос"нинг маълумотларига кўра, "Прогресс" учирилгандан кейин 383 сониядан кейин телеметрия йўқолиб қолган, яъни ундан маълумотлар келиши тўхтаган.

Таъкидланишича, "Прогресс"нинг йўқотилиши ХКСнинг экипажи фаолияти ва тизимларининг нормал ишлашига таъсир қилмайди. Давлат комиссияси ушбу вазиятни таҳлил қилмоқда.

Маълумотларга кўра, "Прогресс" билан алоқа узилишидан аввал кеманинг барбод бўлиши қайд қилинган.

"Мавжуд маълумотларга кўра, кема барбод бўлиши қайд қилинган. Эҳтимол, портлаш юз берган бўлиши мумкин. Ҳозир маълумотлар таҳлил қилинмоқда", деб айтилган хабарда.

Кеманинг бўлаклари Тува ҳудудига тушган бўлиши мумкинлиги айтилмоқда.

Маълум қилинишича, "Прогресс М-12М" юк кемасининг фалокатга учрашига сабаб бўлган ракета-ташувчи билан шунга ўхшаш ҳолат 2011 йил 24 августда ракетанинг 3-поғонаси иши вақтида юз берган.

 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 58170 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33614 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41264 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5114 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16896 Ўзбекистон
Қизил сайёрада сирли сув омбори топилди
12:22 0 Жаҳон
Фотомақола: Андижон шаҳрида гуллар байрами
16 август куни Тошкентда юз берган йўл-транспорт ҳодисалари
11:50 5191 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Кўпроқ янгиликлар