ШҲТ кузатувчилар миссияси Ўзбекистонга келди

Ўзбекистон 01 Декабрь 2016 1888
Фото: elections.uz

30 ноябрь куни Шанхай ҳамкорлик ташкилотининг Ўзбекистон Республикаси Президенти сайловига тайёргарлик кўриш ва уни ўтказиш жараёнини кузатиш бўйича миссияси кузатувчилари мамлакатимизга келди. Миссияга ШҲТ Бош котиби Рашид Алимов раҳбарлик қилмоқда.

Шанхай ҳамкорлик ташкилоти марказий порталида қайд этилишича, ШҲТ миссияси Ўзбекистон Республикаси Марказий сайлов комиссияси томонидан Президент сайловига халқаро кузатувчилар таклиф этилишини уни демократик тамойиллар асосида, очиқ ва ошкора ўтказишга бўлган интилишнинг яққол ифодаси, деб баҳолайди.

ШҲТ миссияси ўз фаолиятини Ўзбекистон Республикаси қонун ҳужжатларига ҳамда Президент ва/ёки парламент сайловларида ҳамда референдумларда ШҲТ кузатувчилар миссияси тўғрисидаги низом асосида сиёсий бетарафлик ва давлатнинг ички ишларига аралашмаслик тамойилларига риоя қилган ҳолда амалга оширади.

Миссия таркибига ШҲТга аъзо давлатларнинг қонун чиқарувчи, ижро ва сайлов органлари, шунингдек, ШҲТ котибиятининг 20 нафар вакили киритилган.

ШҲТ миссияси ўз фаолияти давомида мумкин қадар кўпроқ сайлов участкаларига ташриф буюришни режалаштирмоқда.

Миссия Марказий сайлов комиссияси, Ўзбекистон Республикаси Ташқи ишлар вазирлиги, Жаҳон иқтисодиёти ва дипломатия университетида учрашувлар ўтказади. Шунингдек, сайлов комиссиялари, сиёсий партиялар, оммавий ахборот воситалари вакиллари, халқаро ташкилотлар миссиялари аъзолари, хорижий мамлакатлар кузатувчилари билан мулоқотлар ўтказишни режалаштирган.

Шуни алоҳида таъкидлаш керакки, ШҲТ сайловларни кузатиш соҳасида катта тажриба тўплаган. Бу борада 2004 йилдан буён Ташкилот томонидан 37 та миссия шакллантирилган бўлиб, уларнинг 5 таси Ўзбекистонда иш олиб борган.

*****

Шу куни Марказий сайлов комиссияси раиси М. Абдусаломов ШҲТ кузатувчилар миссияси раҳбари Р.Алимов билан учрашди.

Мулоқот чоғида Миссия раҳбари Ўзбекистон Республикаси Президенти сайловига тайёргарлик кўриш ва уни ўтказиш доирасида амалга оширилаётган ишлар билан атрофлича таништирилди.

Қайд этилганидек, сайловга тайёргарлик ишлари сайлов тўғрисидаги қонун ҳужжатларига мувофиқ, очиқ ва ошкора олиб борилмоқда.

Ўзбекистон Республикаси Президенти сайловини
ёритиш бўйича Республика матбуот маркази

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72116 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37430 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21696 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81691 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62041 Жамият
Forbes: Бой бўлишдан уялмаган Малкольм Форбс
01:13 2045 Lifestyle
Зидан ҳеч қандай музокараларсиз «Реал» билан шартномани узайтиради
00:53 1382 Спорт
Бразилияда бортида 70 киши бўлган паром чўкиб кетди
00:20 1155 Жаҳон
Германиядаги йўл-транспорт ҳодисасида 44 руминиялик жабрланди
00:17 489 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 853 Маданият
Кўпроқ янгиликлар