Жанубий Корея аҳолисининг неча фоизи президент импичментини маъқуллаши аниқланди

Жаҳон 01 Декабрь 2016 2732
Фото: AP

Жанубий Корея республикаси аҳолисининг 75 фоиздан ортиғи мамлакат президенти Пак Кин Хега импичмент эълон қилиш ғоясини маъқулламоқда. Президентнинг расмий муддатидан аввалроқ истеъфога чиқиши хусусида баёнот берганига қарамай, шундай кайфият сақланиб қолмоқда. 

Ёнхап агентлиги Real Meter компанияси ўтказган ижтимоий сўров натижаларига асосланган ҳолда шу ҳақда хабар қилмоқда. Сўралганларнинг 17 фоизидан кўпроғи президентга нисбатан импичментга қарши. 

Аввалроқ, ҳукмрон Сэнури партиясининг амалдаги президентга қарши чиқаётган аъзолари, мамлакатда вужудга келган вазиятнинг ягона ечими давлат раҳбарининг 2017 йил апрелида муддатидан аввал истеъфо бериши, шундан сўнг, июнь ойида навбатдан ташқари сайловлар ўтказиш эканини такидлашганди. Уларнинг фикрича, муаммони ҳал этишнинг бундай "йўл харитаси" ҳокимият топширувини таъминлаш ҳамда сайловларга тайёрланишда томонларга етарли вақт тақдим этади. 

Турли партиялар вакиллари билан фавқулодда маслаҳатлашувлар ўтказишни президент Пак Кин Хе маъмурияти ҳам илгари сурмоқда. Унга кўра, турли партиялар амалдаги президент истеъфосининг муддати ва жараёнига ойдинлик киритувчи ягона тўхтамга келиш лозим. Мухолифат томони эса импичмент эълон қилиш фикрини ҳимоя қилмоқда. 

Корея президенти Пак Кин Хе атрофидаги сиёсий можарога унинг дугонаси Цой Сун Силь билан боғлиқ хабарлар эълон қилингач, авж олди. Президентнинг қоҳин дугонаси, давлат лавозимини расман эгалламаганига қарамай, давлат раҳбари маърузаларини текширган ва уларга тузатишлар киритган. Бундан ташқари, Цой Сун Силь турли копорациялар томонидан йиғилган 70 млн долларга яқин маблағни ўзлаштирганликда гумон қилинмоқда. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28221 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15048 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56153 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1085 Жаҳон
Reuters: АҚШ Мисрга ҳарбий ёрдам бермайдиган бўлди
00:34 961 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 3465 Жамият
Германияда Трамп боши шаклидаги гиёҳванд моддали таблеткалар аниқланди
00:21 951 Жаҳон
Сербия Ҳиндистон ва Эрон фуқаролари учун визани бекор қилди
00:18 889 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1196 Жаҳон
Кўпроқ янгиликлар