АҚШнинг янги сайланган президенти Дональд Трамп денгиз пиёда қўшинлари корпусининг истеъфодаги генерали Жеймс Мэттисни Пентагон раҳбари лавозимига тайинлаш истагини шахсан маълум қилди. У бу ҳақда ўзининг Цинциннатидаги тарафдорлари билан биринчи учрашувида маълум қилди, деб хабар қилмоқда CBS News телеканали.

«Биз «Қутурган ит» Мэттисни мудофаа вазири лавозимига тайинламоқчимиз», — деган Трамп.

У шунингдек, «Қутурган ит»ни «буюк генераллардан бири» сифатида тавсифлаган. АҚШнинг бўлажак янги раҳбари қайд этишича, у охиригача ҳаяжонни сақлаб қолишни хоҳлайди. Шу боисдан, Мэттисни мудофаа вазири лавозимига тайинлаш расман 5 декабрда эълон қилинади.