Немис футбол иттифоқи (DFB) Германия кубоги ўйинларида жамоаларга 4 нафар футболчини алмаштиришга рухсат берди.

Ташкилот сайтида ёзилишича, қарор нимчорак финал баҳсларидан кучга киради ва 2017/18 йилги мавсум охирига қадар амал қилади.

Тўртинчи ўзгаришни амалга оширишга фақат қўшимча бўлимлар вақтида рухсат берилади.

«Жамоалар бу қоида афзалликларини кўриб тургани ва унга рози бўлганидан хурсандмиз. Алмаштиришни қўшимча бўлимларда амалга ошириш мумкин. Бу лойиҳа қоидани ижобий ва салбий томонларини аниқлаб олишга ёрдам беради», деган DFB вице-президенти Петер Фраймут.

Аёллар футболида бу қоида 2 декабрдан амалда, эркаклар футболида эса 2017 йилнинг 7 февралидан.

Бу тартиб бундеслигага 2017-18 йилги мавсумдан киритилиши режалаштирилган.