Европа спорт нашрлари ассоциацияси (ESM) миллий чемпионатлар бўйича ноябрь ойининг рамзий терма жамоасини тузди. Узоқ вақтдан буён бу терма жамоада "Реал" жамоаси ҳужумчиси Криштиану Роналду пайдо бўлди.

Анъанавий равишда ELF Voetbal (Нидерландия), Fanatik (Туркия), Goal News (Греция), A Bola (Португалия), Frankfurter Allgemeine (Германия), Marca (Испания), Tipsbladet (Дания), Nemzeti Sport (Венгрия), De Telegraaf (Нидерландия), Kicker (Германия), World Soccer (Англия), So Foot (Франция) ва Россиянинг “Спорт-Экспресс” нашри ESM сўровномасида иштирок этган.

Ноябрь ойи рамзий терма жамоасига қуйидаги футболчилар кирган (4-3-3): Куртуа ("Челси", 8 овоз); Сидибе ("Монако", 4), Варан ("Реал", 4), Давид Луиз ("Челси", 4), Марселу ("Реал", 4); Форсберг ("Лейпциг", 8), Филиппе Коутиньо ("Ливерпуль", 6), Сусо ("Милан", 4); Криштиану Роналду ("Реал", 10), Кавани ("ПСЖ", 6), Джеко ("Рома", 5).