ФИФА мавсумнинг энг яхши футболчисига топшириладиган «Олтин тўп» мукофотига даъвогарларнинг якуний учлигини маълум қилди. 

Мавсумнинг энг яхши бўлиш учун даъвогарлар қаторида эндиликда "Реал" ҳужумчиси Криштиану Роналду, "Атлетико" ҳужумчиси Антуан Гризманн ва  "Барселона" ҳужумчиси Лионель Месси қолмоқда.

Серхио Агуэро (Аргентина, "Манчестер Сити"), Гарет Бэйл (Уэльс, "Реал"), Жанлуиджи Буффон (Италия, "Ювентус"), Кевин де Брейне (Бельгия, "Манчестер Сити"), Златан Ибраҳимович (Швеция, "Манчестер Юнайтед"), Андрес Иньеста (Испания, "Барселона"), Нголо Канте (Франция, "Челси"), Тони Кроос (Германия, "Реал"), Роберт Левандовски (Польша "Бавария"), Риёз Маҳрез (Жазоир, "Лестер"), Лука Модрич (Хорватия, "Реал"), Мануэль Нойер (Германия, "Бавария"), Неймар (Бразилия, "Барселона"), Месут Ўзил (Германия, "Арсенал"), Димитри Пайе (Франция, "Вест Ҳэм"), Поль Погба (Франция, "Манчестер Юнайтед"), Серхио Рамос (Испания, "Реал"), Алексис Санчес (Чили, "Арсенал"), Луис Суарес (Уругвай, "Барселона"), Жейми Варди (Англия, "Лестер") каби футболчилар биринчи босқичдан кейин даъвогарлар рўйхатини тарк этган.

Эслатиб ўтамиз, шу йилдан йилнинг энг яхши футболчисига «Олтин тўп» France Football топшириладиган бўлди.

France Football журнали 1956 йилдан бошлаб «Олтин тўп» мукофотини энг яхши футболчига топшириб келган эди. 1988 йилда эса ФИФА «Йил футболчиси» мукофотини жорий этди.

2010 йилда журнал таҳририяти ва ФИФА беш йиллик шартнома имзолаган эди. Унга кўра, ФИФА миллий терма жамоаларнинг мураббийлари, сардорлари ва ОАВ вакиллари овози орқали «Олтин тўп» мукофотини топшириб бориши кўзда тутилган эди.

«Олтин тўп» мукофотини ФИФА топширишни бошлаганидан буён унга фақатгина икки футболчи — «Барселона» ҳужумчиси Лионель Месси (2010, 2011, 2012, 2015) ҳамда «Реал» етакчиси Криштиану Роналду (2013, 2014) қўлга киритган.