Таиланд кўчалари янги монарх портретлари билан безалмоқда

Жаҳон 02 Декабрь 2016 2954
Фото: The Nation

Таиланд янги қироли - Мах Вачиралонгкорн Бодинтхаратхеппхаяварангкун (Рама X)нинг портретлари монарх тахтга ўтирган кунининг эртасиданоқ Бангкок кўчаларида пайдо бўлди.  

Таиланддаги кўплаб ибодатхоналарда кечадан буён будда монахлари янги ҳукмдор портрети олдида унинг ҳаққига ибодат қилишмоқда.

Бош вазир ўринбосари Виссану Креа-Нгам маълум қилишича, Рама X'нинг тахтга ўтиришига қарамай, Таиланд кўчалари ва давлат муассасаларининг атрофи унинг марҳум отаси суратлари билан безатилган. 

Бундан ташқари, мамлакатда мотам сақланиб қолмоқда, барча давлат амалдорлари ва идора ходимлари ҳам марҳум қирол хотирасига ҳурмат бажо келтириши талаб этилади. Улар бир йил давомида қора ва оқ рангдаги кийим ёки енгида мотам тасмаси бўлган хизмат униформасини кийишлари керак бўлади. 

Рама X 1 декабрь куни тахтга ўтирди. Таиланд телевидениеси томонидан трансляция қилинган ауденция маросимида мамлакат бош вазири Прают Чан-Оча, регент Прем Тинсуланон ва Олий суд раҳбари иштирок этишди. 

Кўпроқ янгиликлар