Таиландда тахтга янги қирол ўтирди

Жаҳон 02 Декабрь 2016 7088
Фото: © EPA/RUNGROJ YONGRIT

Таиланднинг марҳум қироли Пумипон Адульядетнинг (Рама IX) меросхўри ва ягона ўғли Маха Вачиралонгкорн 1 декабрда Таиланд қироли бўлиш таклифини қабул қилди ва тахтга ўтирди.

Таиланд телевидениеси орқали намойиш қилинган расмий қабулда мамлакат парламенти раиси Помпет Вичитчончай Вачиралонгкорнни тахтни эгаллашга чақирди ва унинг розилигини олди. Шу тариқа, меросхўрнинг тахтга ўтириш жараёни якунланди. 

Қирол саройидаги учрашувда шунингдек мамлакатнинг бош вазири Прают Чан-Оча,  регент Прем Тинсуланон ва Олий суд раҳбари иштирок этди. "Мен Таиланд халқи фаровонлиги йўлида таклифни қабул қиламан", деб ўз розилигини билдирган янги қирол. 

Шундан кейин Вичитчончай миллатга мурожаат қилиб, "тахт ворислиги жараёни тўлиқ амал қилинганини" маълум қилган. Сўнгра бош вазир сўз олиб, "Таиланд аҳолисига энди бизда янги қирол борлигини маълум қилишдан хурсандман", деб айтган.

Бош вазир шунингдек Рама X’га тож кийдириш маросими унинг отаси жасади кремация қилингандан кейин ўтишини маълум қилди. Бу маросим ўтказиладиган санани янги қиролнинг ўзи белгилайди. Таиландда тахтга ўтириш билан тож кийдириш маросими ҳар доим ҳам мос келмайди. Мисол учун, марҳум қирол тахтга 1946 йил ўтирган, бироқ 4 йилдан кейингина бошига тож кийдирилган.

Таиланд ҳукуматининг жамоатчилик билан алоқалар департаменти янги қиролнинг номини маълум қилди. У тахтга ўтиргандан кейин Маха Вачиралонгкорн Бодинтхаратхеппхаяварангкун деган исм олди. Рама Х тахтга отаси вафотидан 50 кун ўтгач ўтирди. Марҳум қирол 13 октябрда 88 ёшида вафот этганди.   

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28622 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15326 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56438 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 2090 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1626 Жаҳон
Германияда Трамп боши шаклидаги гиёҳванд моддали таблеткалар аниқланди
00:21 1620 Жаҳон
Сербия Ҳиндистон ва Эрон фуқаролари учун визани бекор қилди
00:18 1271 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1888 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 2526 Спорт
Кўпроқ янгиликлар