Жанубий Кореянинг мухолиф партиялари мамлакат президенти Пак Кин Хенинг импичменти бўйича 9 декабрь куни овоз бериш жараёнини ўтказиш таклифи билан чиқишмоқчи, деб хабар қилди Reuters Жанубий Корея Демократик партияси вакили Ки Дон Минга асосан.

Мамлакатнинг уч мухолиф партияси парламентдаги 300 ўриндан 165 тасини эгаллаган. Шу тариқа улар президент импичменти бўйича овоз бериш ташаббуси билан чиқиши мумкин. Бироқ, импичментни эълон қилиш учун парламентарийларнинг учдан икки қисми ўз овозини бериши лозим. Улар ичида “Сэнури” ҳукмрон партия вакиллари ҳам бор. 

Таъкидланишича, мухолифатчилар ўз мақсадига эришса, Пак Кин Хе Жанубий Кореянинг ўз лавозимини муддатидан аввал тарк этган биринчи президенти бўлади.

Аввалроқ, мамлакат мухолифати президент импичменти учун етарли бўлган овозларни тўплагани маълум бўлганди.