«Барселона» клуби яримҳимоячиси Андрес Иньеста Испания чемпионатининг 14-туридан ўрин олган энг муҳим учрашув «Реал»га қарши тўқнашувда майдонга тушиш учун тайёр, деб ёзмоқда Tribuna.uz сайти.

Иньеста октябрь ойининг сўнггида Ла-лига доирасидаги «Валенсия»га қарши учрашувда (3:2) тиззасидан жароҳат олиб сафдан чиққанди. Сўнгги беш кунни испаниялик футболчи шифокорлар назорати остида ўтказди.

Тиббиёт ходимлари унинг машғулотлардаги ҳаракатига қараб «эл-класико»да майдонга тушишига рухсат беришди.