Европага кириб келаётган қочқинлар сони ортиб бормоқда. Ксенофобия, шовинизм, сиёсий беқарорлик ва тиканли симларнинг ўрнатилганига қарамай қочқинлар, айниқса Сурия ва Ироқдан келаётганлар Ғарб давлатларида молиявий ёрдам олмоқда.

Буюк Британия

Буюк Британияда қочқинлар аввалига вақтинчалик тураргоҳларга жойлаштирилади. Кейинчалик эса улар ҳукуматга кўмак сўраб мурожаат қилишлари мумкин. Агарда мурожаат тасдиқдан ўтса, қочоқлар бир кеча-кундуз учун беш фунтдан ортиқроқ молиявий ёрдам олишади.

Франция 

Францияда қочқин мақомини бериш бўйича муҳожирнинг мурожаати кўриб чиқилгунча, унга вақтинчалик яшаш марказларида жой беришади. Тегишли қарор чиқарилгунга қадар эса муҳожирлар ойига 120 евро миқдоридаги ёрдам пулини олиб туришади. Агарда унга вақтинчалик тураргоҳларда жой берилмаса, ёрдам миқдори ойига 340,5 еврони ташкил қилади.

Швеция

Швецияда муҳожирлар учун энг яхши шароит яратилган. Муҳожирларга қочқин мақомини бериш бўйича мурожаат кўриб чиқиш жараёнида ойига тақдим этиладиган ёрдам пули 250 еврони ташкил қилиб, унга яшаш жойи ҳам берилади.

Германия 

Германияда чегарадан ўтган ҳар бир қочқин тўлиқ тиббий текширувдан ўтказилиб, муҳожирларни вақтинчалик сақлаш марказларига жойлаштирилади. Давлат уларни озиқ-овқат, шахсий гигиена воситалари ва дори-дармонлар билан таъминлайди.

Австрия 

Австрияда муҳожирлар қочоқлар лагерига уч ҳафтадан уч ойгача бўлган вақтга жойлаштирилади.

Ҳар бир қочқин ҳар ойда озиқ-овқат учун 200 евро, шахсий мақсадларига – 40, ҳар бир болага – 90 евродан олади. Бундан ташқари, ҳар бир қочқинга бир йилда кийим-кечак учун 150 евро тўлаб берилади.