Франсуа Олланднинг иккинчи бор президентлик лавозимига ўз номзодини қўймаслигига сабаб оила аъзоларининг фикрига асосланган бўлиши мумкин. Бу ҳақда “Рейтер” агентлиги хабар бермоқда.

Олланд аввалроқ 2017 йил мамлакат раҳбарлиги учун ўз номзодини қўймаслиги ҳақида маълум қилган эди. У Франция раҳбарлари ичида иккинчи муддат учун курашмаётган илк президент бўлди.

Олланднинг яқин дўстларидан бўлмиш адвокат Жан-Пьер Миньярнинг сўзларига кўра, сиёсатчининг фарзандлари ва унинг собиқ рафиқаси — экология, барқарор ривожланиш ва энергетика вазири Сеголен Руаяль — сиёсатчининг иккинчи муддатга номзодини қўйишига ижобий қарашмаган.