Нигерия ва Марокаш икки давлатни боғловчи газ қувури қуриш ҳақидаги келишувни имзолади. Бу газ қувури Африканинг бир нечта давлатларига келажакда Европага газ етказиб беришга имкон беради, деб хабар бермоқда Reuters ахборот агентлиги. 

Маълум қилинишича, келишув Марокаш қироли Муҳаммаднинг Нигерия пойтахти Абужуга ташрифи вақтида тузилган. Нигерия вакили Жеффри Ониеманинг айтишича, газ қувури лойиҳаси барча манфаатдор томонлар иштирокида ишлаб чиқиладиэ

"Бу келишувда икки давлат минтақалараро газ қувурини барпо қилишда муайян чораларни кўришга рози бўлдилар, бу чоралар Нигерия газ захираларини Ғарбий Африка давлатлари ва Марокаш билан боғлашга имкон беради", деб айтди Ониема.

Таъкидланишича, лойиҳа рақобатбардош ва Европа энергетика бозорига боғланиш салоҳиятига эга минтақавий электр энергия бозорини яратишга қаратилган. Айни вақтда газ қувурини қуриш муддатлари номаълумлигича қолмоқда.