АҚШнинг Сан-Франциско шаҳри яқинидаги Оклендда мусиқий кўнгилочар кеча ўтказилаётган омборхонада ёнғин чиққан, деб хабар бермоқда CBS.

Маҳаллий ҳукуматнинг маълум қилишича, ёнғин оқибатида 40 киши ҳалок бўлган бўлиши мумкин, айни вақтда 10 кишининг ҳалок бўлгани тасдиқланган.

Маълум қилинишича, мусиқачилар омборхонадан ишлаш ва яшаш учун фойдаланишган, бироқ уларда бу учун ва мусиқий концерт уюштиришга расмий рухсат бўлмаган. Ёнғин сабаблари аниқлаштирилмоқда. 

Ёнғин бир неча соат давом этган, бу вақт ичида иншоотнинг 1-қавати билан вақтинчалик ёғоч зина билан боғланган 2-қаватидаги том қулаб тушган. Ёнғин юз берган бинода ўт ўчириш учун мўлжалланган воситалар ва тутун детекторлари бўлмаган.

The Voice of America маълумотларига кўра, ёнғинни бартараф этиш учун 55 ўт ўчирувчи талаб қилинган.