4 декабрь куни тонгида Австрияда президентликка қайта сайловлар учун сайлов участкалари очилди

Қайта овоз бериш Австрия Конституциявий суди шу йил июль ойида кўплаб қонун бузилишлари туфайли сайловларнинг иккинчи босқичи якунларини бекор қилганидан сўнг бўлиб ўтмоқда. Кейинчалик парламент қайта овоз бериш ўтказилишини маъқуллади.

Сайловда икки номзод қатнашмоқда: «Яшилллар» партиясининг собиқ етакчиси Александер ван дер Беллан ва ўнглар вакили (Австрия озодлик партияси) Норберт Хофер.

Австрияда президентлик сайловларининг биринчи босқичи 22 майда бўлиб ўтганди. Ўшанда Адольф  Норберт Хофер устун келган.

Иккинчи турда эса Александер ван дер Бедлен сайловчиларнинг 50,3, Норберт Хофер эса 49,7 фоиз овозини олганди. 

Аммо Хофер тарафдорлари сайлов натижалари юзасидан норозилик билдирди. Жумладан, сиртдан овоз беришнинг ташкил этилиши жараёни партия вакиллари шикоятига сабаб бўлди.

Натижада, Австрия суди иккинчи тур натижасини тан олмади ва 4 декабрга янги сайлов белгиланди.

ОАВ якшанба кунги овоз бериш натижаларига кўра 2 номзод ўртасидаги фарқ минимал даражада сақланиб қолишини тахмин қилмоқда. Бироқ айрим таҳлилчилар қочоқлар масаласида кескин чоралар тарафдори, «австриялик Трамп» номини олган, Гитлерни раҳнамо деб билгувчи ўта ўнг   Хофернинг қўли бу гал баланд келади, деб ҳисобламоқда.