Италияда маҳаллий вақт билан соат 7.00да (Тошкент вақти билан соат 11.00) конституцион ислоҳот масаласи бўйича референдум учун сайлов участкалари очилди. Ушбу ташаббус мамлакатнинг ҳозирги бош вазири Маттео Ренци томонидан билдирилган.

Овоз беришда Италиянинг деярли 47 млн фуқароси, ҳамда хорижда истиқомат қилувчи 4 млн итальян иштирок этади. Улар конституцияга ўзгартириш киритиш бўйича саволга ёки «ҳа» ёки «йўқ» жавобини билдиришлари керак бўлади.

Сайлов участкалари соат 23.00да ёпилади (Тошкент вақти билан 5 декабрь куни соат 3.00 мск), кейин овозларни ҳисоблаш бошланади.

Таклиф қилинаётган ислоҳотга бутун мухолифат қарши чиқмоқда. 

Референдумнинг қандай тугашини мамлакат Вазирлар Маҳкамаси ва шахсан Ренцонинг келгуси тақдири билан боғлашмоқда.

Ислоҳотнинг муҳим бандларидан бирида миллий парламент таркиби ва вазифаларини ўзгартириш билдирилган. Бунда қонунчилик жараёнини енгиллаштириш, қонун лойиҳаларини такроран муҳокама қилишдан қочиш ва Италияда кўпроқ сиёсий барқарорликни таъминлаш мақсадида жорий кўринишда Сенатни бартараф этиш кўзда тутилган.

Иккинчи жаҳон урушидан кейинги 70 йил ичида Италияда 65 марта ҳукумат алмашган. Сенат сайлов орқали шакллантириладиган орган бўлишдан тўхтайди. Унга вилоятлар вакиллари ҳамда йирик шаҳарлар мэрлари киради.

Бундан ташқари, 5 сенатор Италия президенти томонидан 7 йиллик муддатга белгиланади. Умрбод сенаторлар институтини бартараф этиш режалаштирилмоқда. Ҳукуматга ишонч билдириш масаласи бўйича овоз бермайдиган юқори палата аъзолари сони уч мартга қисқаради (315 кишидан 10 кишигача). Бу эса бош вазирнинг айтишича, давлат маблағларини анча тежашга имкон беради.

Янги сенат қонунчилик жараёнида чекланган ҳолда, фақатгина вилоятлар ёки Европа Иттифоқи билан муносабатларга тегишли қонун лойиҳаларигина кўриб чиқишда иштирок этади. Шу билан бирга сенаторлар ортидан парламент иммунитети сақланиб қолади. Ренцининг таъкидлашича, ушбу референдум Италияни ўзгартириш, уни Европада етакчи роль эгаллайдиган, барқарор, замонавий ва рақобатбардош давлатга айлантириш учун тарихий имкониятдир. 

Агар референдумда ғалаба қозонмаса, Ренци истеъфога кетиши кутилмоқда.