Шавкат Мирзиёев сайловда овоз берди

Ўзбекистон 04 Декабрь 2016 37605

Ўзбекистон президенти вазифасини бажарувчи, Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод бўлмиш Шавкат Мирзиёев овоз бериш учун 4 декабрь куни Тошкент шаҳри Мирзо-Улуғбек туманидаги 132-сайлов участкасига ташриф буюрди.

"Шавкат Мирзиёев Тошкент шаҳри Мирзо-Улуғбек туманидаги 132-сайлов участкасига келди", дейилган партия матбуот хизмати маълумотида.

Фото: ЎзА

Шавкат Мирзиёев сайлов участкасига оила аъзолари билан бирга ташриф буюрган. Қайд этилишича, Мирзиёев билан унинг оила аъзоларидан 8 киши сайлов участкасига келган.

Ушбу сайлов участкасида жами 2352 нафар сайловчи рўйхатга олинган. Айни пайтда бу ерда сайловчилар фаол тарзда овоз бермоқда.

Марказий Сайлов комиссиясининг охирги маълумотларига кўра, сайловда давомат Тошкент вақти билан соат 09:00 ҳолатига кўра 17 фоизни ташкил қилмоқда эди.

Кўпроқ янгиликлар