БМТ ташкилотининг гуманитар ёрдам кўрсатувчи бўлими келаси йилда дунё бўйлаб табиий офатлардан зиён кўрган кишиларга ёрдам бериши учун 22 миллиард доллар талаб қилинади. Бу ҳақида Daily Sabah нашри хабар берди

Манбага кўра, 8,1 миллиард доллар Сурия аҳолисига ва қочқинларга ёрдам кўрсатишга сафарбар этилади. Умуман олганда Ташкилотнинг гуманитар бўлими 33 мамлакатдаги 93 миллион кишига ёрдам кўрсатишни режалаштирмоқда. Уларнинг деярли учдан икки қисми - Африкада. 

Маълумотларга кўра, бугунги кунда жаҳондаги 128 миллиондан ортиқ киши омон қолиш ва хавфсизлик шароитларида яшаш учун шошилинч ёрдам ва қўллаб-қувватлашга муҳтож.

БМТ бўлимининг маълум қилишича, Яман, Сурия, Жанубий Судан ва Нигериядаги можаролар жуда кўп кишиларни қийин аҳволда қолдирди. Бундан ташқари қурғоқчилик ва Эл-Нино ҳодисаси каби табиий офатлар ҳам инсониятни ҳалокатга етакламоқда.