Австриядаги президентлик сайловларида мустақил номзод Александр ван дер Беллен ғолиб бўлди. Дастлабки маълумотларга кўра, "яшиллар" партиясининг собиқ етакчиси Ван дер Беллен сайловчиларнинг 60,4 фоиз овозини тўплаган. Унинг Озодлик партиясидан рақиби Норберт Хофер 39,6 фоиз овоз олган. 

Ван дер Беллен ғалабаси муносабати билан Австрия канцлери Кристиан Керн уни табриклади. Керн бу кунда ҳеч ким мағлуб бўлмаслиги кераклигини айтиб, барча номзодларни табриклади. "Биз барчамиз Австриянинг бир қисми ҳисобланамиз", деб айтган Керн.

Сайловда мағлуб бўлган Хофер ҳам Ван дер Белленни ғалаба билан табриклаган.